Gedicht & Lied

Kimmt dr Harbst miet ra un dr Wind pfeift kräftig rei do haaßt`s Gunger fix gemacht, mer wolln heit Spack eischneiden fei. Schnell enn Tiegel draufgestellt un de Grieben haaß gemacht, Salz un Zwiebel muss in Spackfett aah noch nei. Denn do Spackfett, Spackfett, Spackfett, dos schmeckt gut, när dos Spackfett, Salz un frisches Brut drzu. Spackfett, Spackfett is es beste in dann Labn. Deswagn sei mir alle hier su fruh besamm.
– Spack-fett. —
In dr Waldschänk gabn mer dos Spackfettnappel oh, do gucken mer zesamme nei, ob de Farb ah rischtisch sieht un dann riechn mer kräftig dra do droppt uns allen dr Zah weil mer immer noch net mol verkosten kaa. Aane Jüry muss jedes Nappel kosten fei, ja die Leit, die müssen när mit ann Mong versahe sei, drüm gibts zwischendurch an Schnaps un a lustiges Lied drzu, bis dr neie Spackfettkönig singet fruh.

von Christine Huß
frei nach dem Schwammemarsch